Landskrifstofa Menntaáætlunar Evrópusambandsins (LME)
LME heyrir undir Rannsóknarmiðstöð Íslands (Rannís) frá og með 1. janúar 2013. LME er þjónustuskrifstofa Comenius, Erasmus, Leonardo, Grundtvig, Jean Monnet og þveráætlana (transversal programmes) Evrópusambandsins. LME rekur einnig skrifstofu Europass (safnheiti yfir staðlaða menntunar- og starfshæfnimöppu) Evrópumiðstöð náms- og starfsráðgjafa (Euroguidance), eTwinning (rafrænt skólasamfélag).
Helstu verkefni
- Reglulegt samstarf við menntamálaráðuneyti og framkvæmdastjórn Evrópusambandsins um framkvæmd áætlunarinnar á Íslandi
- Kynning á áætluninni, markmiðum hennar, forgangsatriðum, umsóknarfrestum og miðlun upplýsinga til væntanlegra umsækjenda
- Vinna með matsmönnum og matsnefndum við mat á styrkumsóknum og frágangi á rökstuðningi fyrir styrkveitingum
- Formleg ákvörðun um úthlutun
- Gerð samninga um verkefni sem hljóta styrki, greiðsla styrkja og eftirlit með framkvæmd verkefna
- Uppgjör á reglulegum samningum við framkvæmdastjórn ESB vegna þeirra styrkja sem íslenska landskrifstofan úthlutar
- Endurskoðun og úttekt á verkefnum í samráði við framkvæmdastjórn ESB
- Aðstoð við mat stjórnvalda og framkvæmdastjórnar ESB á menntamálum