Jean Monnet áætlunin er sértæk áætlun á sviði Evrópufræða/Evrópusamruna  (European integration studies) og er opin öllum ríkjum bæði utan og innan Evrópu.

Áætlunin sem hóf göngu sína árið 1990 nær nú til 700 háskóla í 60 löndum. Árið 2007 varð áætlunin formlega hluti af menntaáætlun ESB (Lifelong Learning Programme).

Áætlunin skiptist í einn almennan hluta (Key Activity 1) og tvo sértækari hluta (Key Activity 2 &3).
 

Í almenna hlutanum eru styrkir veitir til eftirfarandi verkefna:

• Jean Monnet Chair: Kennarastaða með evrópufræði sem sérsvið og minnst 120 kennslustundir á ári á því sviði.
• „Ad personam“ Jean Monnet Chair: Kennslu- og rannsókaarstaða ætluð prófessor sem hlotið hefur alþjóðlega viðurkenningu á sviði evrópufræða
• Jean Monnet Centre of Excellence: Fræðasetur tengt einum eða fleiri háskólum sem tengir saman fræðimenn á sviði evrópufræða og heldur utan um efni á því sviði.
• Námskeið í evrópufræðum sem er að lágmarki 30 kennslustundir.
• Þverfarleg samtök prófessora og fræðimanna sem hafa það að markmiði að efla evrópufærði á landsvísu eða á breiðari vettvangi.
• Upplýsingamiðlun og rannsóknir sem miða að því að efla umræðu og þekkingu á samruna ferlinu í Evrópu.
• Jean Monnet rannsóknarhópa sem samanstanda af minnst þremur „Jean Monnet Chair“  frá þremur mismunandi löndum.

Sjá nánari upplýsingar um hvern lið og meira til á vef framkvæmdastjórnar ESB (sjá lista til hægri „In depth“). Tengingar í listanum hér að ofan vísa einnig á þessar síður.
 

Í sértæka hlutanum eru veitir styrkir til eftirfarandi:

• Ákveðinna menntastofnana sem ná til allrar Evrópu (Key Activity 2).
• Evrópskra samataka á sviði menntamála (Key Activity 3).
   

Umsjón með áætluninni

Framkvæmdastjórn ESB hefur falið framkvæmdaskrifstofu ESB um mennta- og menningarmál (Education, Audiovisual and Culture Executive Agency, EACEA) umsjón með Jean Monnet áætluninni. Öll formleg umsjón (umsóknir, mat umsókna, samningsgerð) er á höndum þessarar skrifstofu.

Hlutverk Landskrifstofu er að miðla upplýsingum um áætlunina og aðstoða umsækjendur eins og kostur er.